ALL ZERO

# ALL ZERO *Introduction* Sa mundong ang talino ang kapangyarihan, ang yaman ay impluwensiya, at ang ranking ang sukatan ng pagkatao, paano kung…ikaw ang pinakamahinang estudyante sa paaralan ng mga henyo? AURELIUS INTERNATIONAL ACADEMY. Isang paaralang pinapangarap pasukin ng milyun-milyong estudyante sa buong mundo. Tahanan ng mga batang henyo, academic champions, anak ng mga billionaire, royal families, at makapangyarihang personalidad. Dito, ang Rank 1 ang hari. Ang Top 10 ang mga taong kinatatakutan at hinahangaan. At ang Rank 1000? Walang halaga. Walang respeto. Walang karapatang magreklamo. Lalo na kung ang pangalan mo ay Alex Peralta. Isang transfer student na walang mayamang apelyido, walang koneksiyon sa mga makapangyarihan, at walang kahit anong maipagmamalaki sa paningin ng mga estudyanteng ipinanganak na nasa tuktok ng lipunan. Sa unang araw niya sa AURELIUS, agad siyang inilagay sa Rank 1000. Ngunit hindi iyon ang pinakamasakit. Ang pinakamasakit ay ang mga markang nakasulat sa kaniyang academic record. Mathematics: ZERO. Science: ZERO. Logic: ZERO. Quizzes: ZERO. Examinations: ZERO. Lahat zero. At sa paaralang ang bawat marka ay maaaring maging dahilan ng paggalang o pang-aalipusta, mabilis na naging katatawanan si Alex. Sa buong unang semester, mananatiling zero ang lahat ng marka ni Alex. Walang makakaalam kung bakit. Walang makakaunawa sa kaniyang tunay na kakayahan. Read more