His Obsessions: The Basketball Superstar (ON EDITING)

HIS OBSESSIONS: THE BASKETBALL SUPERSTAR Hinahanap niya ang lalaking sumira sa buhay niya. Bakit sa taong pinaghihinalaan niya, gusto niyang magtiwal…a? Isang pribadong mensahe. Isang pangakong walang ibang makaaalam. Isang video na hindi dapat nakita ng mundo. Sa isang upload, gumuho ang buhay ni Nico Mamaril-Lo. Dating sinisigawan ang pangalan niya dahil sa bawat panalong puntos. Ngayon, bawat kamera, bulong, at notification ay nagpapaalala ng kahihiyang hindi niya piniling ipakita. May pangalan ang taong itinuturong responsable: Dr. Adam Catacutan-isang sikat na psychiatrist at influencer na may napakagandang reputasyon... hanggang lumitaw ang isang nakamaskarang lalaking may boses at markang nakatatak din sa kanyang katawan. Para malaman ang katotohanan, kusang pumasok si Nico sa Catacutan Center. May lihim siyang pakay: lapitan si Adam, bantayan ang bawat kilos nito, at hanapin ang pagkakamaling maglalantad sa kanya. Pero mahirap maghanap ng kasalanan sa lalaking marunong makinig sa mga bagay na hindi mo masabi. Sa bawat pag-uusap, lalong nagiging personal ang mga tanong ni Nico. Sa bawat paglapit, may hangganang kailangan nilang igalang-at damdaming lalong mahirap itanggi. Samantala, may bagong video na lumalabas. May mga oras na hindi nagtutugma. May mga taong tila alam ang susunod na mangyayari bago pa ito mangyari. At habang sinusundan ni Nico ang mga bakas, may isang lumang gabing ayaw pag-usapan ni Adam-isang gabing maaaring mag-ugnay sa mga lalaking makapangyarihan ngayon at sa mga anak nilang unti-unting nagiging biktima. May nagmamasid sa kanilang dalawa. May gustong patahimikin si Adam. At kapag natuklasan ni Nico kung sino ang dapat niyang katakutan, maaaring huli na para iligtas ang lalaking natutuhan niyang mahalin. Dahil sa likod ng maskara, may taong handang sirain ang lahat para manatiling lihim ang kanyang mukha. Read more