Dedication

ang

lahat

ng

ito

ay

para

sa’yo

…

Lampungan

Makipaglampungan ka sa hubad mong diwa

Alisin ang hiya sa sarili at yakapin nang buong higpit ang mapayapang sandali…

Hayaang mong balutin ng katahimikan ang iyong kaluluwa para sa maaliwalas na kaisipang nangangailangan ng walang katapusang pag-asa…

At sa dulo ng pagniniig ay sasabog ang walang hanggang ligaya, na pupukaw sa iyong nilinis nang konsensya at magbibigay sa’yo ng panibagong pananaw sa isang magandang umaga.

Ikaw at Ang Tala

Tumingin ako sa panginorin

Nagitla! Kakaibang tanawin

Mga tala ay naging wangis mo

Nababaliw na siguro ako

Nakababaliw ka, aking irog.

Minasdan ko pa ang panginorin

At nagitla nang aking mapansin

Ika’y tala sa gabing madilim

Tanglaw ng puso kong naninimdim

May sira na yata ang utak ko…

Para Kay Nanay

Mula sa aking pagsilang, hanggang magkaisip

Kalinga mo nanay, katumbas ay langit

Mahigpit mong yakap, proteksyon sa lamig

Habang ako’y gising, ’di ka rin iidlip

Ako’y ginabayan hanggang sa paglaki

Sa tanglaw mo’t gabay, mundo ko’y nahabi

Nagbigay liwanag sa dilim ng isip

Hinubog ang asal, binigyan ng bait

Ang sakripisyo mo’y ’di ko matumbasan

Tadtarin man ng pino, buto ko’t laman

Sa binuong titik, ipadarama ko

Aking pagmamahal, tunay at totoo

Maraja’s Song

We live in a world separated by water Apart we cant touch or see each other I want to be near you, and be by your side Caress you forever, love you till I die

We breathe the same air though you’re afar from me The day I will see you, when will it’s gonna be? I’m longing to see you, be with you everyday I love you, my hero I’m always here to stay

We can’t be together I know it for a fact I love you so dearly, how could it be so sad? I will leave my world, for you I will risk my soul To be with you, I am ready to sacrifice

You are my dream, will I be your desire?

You are my life, can I be by your side?

Tula Para Sa’yo

Hindi mo man kayang ibigay ang langit

Sapat na ang pusong hindi mapagkait

Wala ka mang ginto at yaman sa buhay

Sa aki’y dakila ka’t walang kapantay

Pag-ibig mong hatid ay walang katulad

Hindi tumitingin kung ginto o huwad

Ang pagmamahal mo’y wagas at dalisay

Maghihintay hanggang sa kabilang buhay

SIKIL

Kapag mga mata natin ay nagtatagpo

Ang nararamdaman ko’y pilit na itinatago

Sambit ng bibig ay pangungumusta

Imbes na sadyang laman ng puso

Ninanamnam na lang ang iyong mga ngiti

Tanggap nang pag-ibig ko’y laging nakatago

Kung mapapansin mo ito ay walang kasiguruhan

Ngunit mananatili kang itinitibok ng aking puso

Kahit na itong pag-ibig ay sadyang mapaglaro

At ang puso ko ay ginawang bilanggo.

©2017

Gumamela

Simple kang bulaklak Nagkalat sa hardin Hatid mo ay saya at gandang tanawin Mga bata sa’yo ay nahahalina Wala ka mang bango Ubod ka ng ganda

Talulot mo ay iba’t-iba ang kulay May dilaw,  may rosas Puti at dalandan Sa tainga ng mutya ay inilalagay Pandagdag sa yumi at ganda niyang taglay

Sa paslit at musmos ikaw ay laruan Gagawing palobo, at maghahabulan Pero kalaro ko ginawa kang gamot Tinudtod, tinapal Sa pigsang maumbok